ស្របពេលដែលកំណើននៃការប្រកួតប្រជែងតម្លៃរថយន្ដអគ្គិសនីកាន់តែសស្រាក់សស្រាំនាពេលបច្ចុប្បន្ន ក្រុមហ៊ុន GM មិនខុសពីក្រុមហ៊ុនរថយន្ដដទៃទៀតទេ បានផ្ដោតយុទ្ធសាស្រ្ដផលិត និងលក់រថយន្ដអគ្គិសនីណាឲ្យត្រូវជាមួយនឹងតម្រូវការរបស់អ្នកប្រើប្រាស់ទាំងសមត្ថភាព និងតម្លៃ។
ជាក់ស្ដែងកាលពីពេលថ្មីៗនេះ ប្រធានគ្រប់គ្រងក្រុមហ៊ុន GM ថ្មីប្រចាំអាមេរិកខាងជើង លោកស្រី Marissa West បានឲ្យដឹងថា ក្រុមហ៊ុនកំពុងត្រៀមខ្លួន បញ្ចេញរថយន្ដអគ្គិសនីកំពុងតែមានការគាំទ្រច្រើនរបស់ខ្លួន Cheverolet Bolt EV នៅឆ្នាំ ២០២៥ ខាងមុខនេះ ជាមួយតម្លៃសមរម្យជាងមុនច្រើន ល្មមអាចឲ្យអតិថិជនដែលគ្រាន់តែត្រូវការរថយន្ដអគ្គិសនី សមល្មម សម្រាប់ជិះក្នុងក្រុង ទៅធ្វើការ ឬប្រើប្រាស់ប្រចាំថ្ងៃ អាចទិញប្រើបាន។
ស្របពេលជាមួយគ្នានេះដែរ លោកស្រីមិនបានបញ្ចាក់ឲ្យច្បាស់ថា Chevy Bolt ថ្មីនេះ នឹងចុះនៅតម្លៃប៉ុន្នាននោះទេ ដោយតម្លៃចាស់របស់វា (Chevy Bolt EV 2023) ស្ថិតនៅចន្លោះពី ២៧ ៤៩៥ ដុល្លារ ទៅ ៣០ ៦៩៥ ដុល្លារ ដូច្នេះហើយគេសន្និដ្ឋានថា Chevy Bolt ថ្មីអាចស្ថិតនៅចន្លោះនេះ ឬទាបជាងនេះ ដើម្បីប្រកួតប្រជែង ជាមួយនឹងរថយន្ដអគ្គិសនីដទៃទៀត ជាពិសេសនៅក្នុងទីផ្សារសហរដ្ឋអាមេរិក ដូចជា Nissan LEAF (២៧ ៩៥៦ ដុល្លារ), Nissan Ariya (៣៥ ៥៥៦ ដុល្លារ), Hyundai IONIQ 6 និង Tesla Model 3 ជាដើម។
ក្នុងនោះដែរ លោកស្រី Mary Barra អគ្គនាយកក្រុមហ៊ុន GM បានឲ្យដឹងពីព័ត៌មានខ្លះៗទាក់ទងនឹង Chevy Bolt ថ្មីនេះថា វានឹងធ្វើឡើងដោយប្រើប្រាស់ Ultium platform ដែលជា architecture អភិវឌ្ឍថ្មី សម្រាប់រថយន្ដអគ្គិសនីរបស់ GM ដូចជាការប្រើប្រាស់ថ្មប្រភេទ LFP ដែលផ្ដល់ថាមពលបានយូរ មានតម្លៃទាប និងសុវត្ថិភាព (មិនងាយឆាបឆេះជាដើម) ព្រមទាំងការអភិវឌ្ឍបច្ចេកវិទ្យាបន្ថែមផ្សេងៗទៀត ដែលមិនត្រឹមតែជួយបន្ថយតម្លៃនោះទេ តែបង្កើនសមត្ថភាពការប្រើប្រាស់ និងការសាកថាមពលរបស់ Chevy Bolt EV ថ្មីឲ្យប្រសើរជាងមុនផងដែរ។
គួរបញ្ចាក់ថា ក្រៅតែពី Chevy Bolt, GM ក៏កំពុងតែអភិវឌ្ឍរថយន្ដអគ្គិសនីម៉ូដែលផ្សេងៗទៀត ត្រៀមខ្លួនចូលមកប្រកួតប្រជែងក្នុងទីផ្សារឡានអគ្គិសនីដូចគ្នា រួមមានដូចជា Chevy Equinox, Blazer, និង Silverado ដែលសុទ្ធសេងតែប្រើប្រាស់ Ultium platform ទាំងអស់ ដែលនឹងចេញនៅឆ្នាំបន្ដបន្ទាប់គ្នា អាចមុន ឬក្រោយ Chevy Bolt ថ្មីនេះផងដែរ។
អត្ថបទ៖ Andra
ប្រភព៖ WION News
លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
ចង់ជិះ Prius ប្រភេទ Option 3-4 ឆ្នាំ ២០១០ គួរកាន់ប៉ុន្មាន? ស្រុកខ្មែរល្បីថា Option មួយនេះជា Option ពេញនិយម?
Nissan Sentra 2025 ចេញលក់នៅទីផ្សារអាមេរិក ក្នុងតម្លៃខ្ទង់ 2ម៉ឺនដុល្លារជាងប៉ុណ្ណោះ
Hyundai Elantra 2025 តម្លៃត្រឹម 2ម៉ឺនដុល្លារស្ដើង កំពុងស្ថិតក្នុងប្រភេទឡានថ្មី ដែលមានតម្លៃធូរ
រោងចក្រដំឡើងរថយន្ត Ford ទទួលបានវិញ្ញាបនបត្រស្តង់ដារអន្តរជាតិកម្រិត ISO 9001:2015 និង ISO 14001:2015 ដំបូងគេបង្អស់នៅប្រទេសកម្ពុជា!
Nissan Sentra 2025 ចេញលក់នៅទីផ្សារអាមេរិក ក្នុងតម្លៃខ្ទង់ 2ម៉ឺនដុល្លារជាងប៉ុណ្ណោះ
Hyundai Elantra 2025 តម្លៃត្រឹម 2ម៉ឺនដុល្លារស្ដើង កំពុងស្ថិតក្នុងប្រភេទឡានថ្មី ដែលមានតម្លៃធូរ
រោងចក្រដំឡើងរថយន្ត Ford ទទួលបានវិញ្ញាបនបត្រស្តង់ដារអន្តរជាតិកម្រិត ISO 9001:2015 និង ISO 14001:2015 ដំបូងគេបង្អស់នៅប្រទេសកម្ពុជា!
ក្រុមហ៊ុន 𝐑𝐌𝐀 𝐂𝐚𝐦𝐛𝐨𝐝𝐢𝐚 បានសម្ពោធរថយន្តអគ្គិសនី𝐂𝐇𝐀𝐍𝐆𝐀𝐍ពីរម៉ូដែលគឺ𝐃𝐄𝐄𝐏𝐀𝐋 𝐋𝟎𝟕 និង 𝐒𝟎𝟕បានដោយជោគជ័យ